31, జనవరి 2011, సోమవారం

CPU ముందు భాగం...

CPU ని విశదీకరిస్తే సెంట్రల్ ప్రోసెసింగ్ యూనిట్ (Central Processing Unit). అనగా కేంద్రీయ నియంత్రణ విభాగము. ఇంకా తేలిక భాషలో చెప్పాలంటే ఒకే చోట ఉండి అన్నిటిని శాసించగల మహారాజు అన్న మాట. CPU లోపల ఏమి దాగి ఉందో తెలుసుకోవటానికి ముందు దాని బాహ్య స్వరూపాన్ని గురించి మరింత విపులంగా తెలుసుకోవలసిన అవసరం ఎంతైనా ఉంది. ఈ CPUలు రెండు ఆకారాలలో తయారవుతున్నాయి. అవి ఎలా ఉన్నాయో చూద్దాం. 

http://i54.tinypic.com/30mr12r.jpghttp://i53.tinypic.com/334hunc.jpg 
మొదటి రకం CPU ని Tower టైపు CPU అంటారు. ఎందుకంటే ఇది గోపురం లాగా నిలువుగా ఉంటుంది ఉంటుంది కాబట్టి. రెండవ రకం CPU ని Flat టైపు CPU అంటారు, ఎందుకంటే ఇది భూసమాంతరంగా ఉంటుంది కాబట్టి. సాధారణంగా మనం Tower టైపు CPU లను చూస్తుంటాము. ఏ రకమైన CPU కి అయినా సాధారణంగా బయటకు కనిపించే భాగాలను చూద్దాం. 

http://i56.tinypic.com/ja9mr4.jpg
ఇక్కడ మొదటిది Optical డ్రైవ్; అంటే మనం సినిమాలు చూడటానికి ఉపయోగించే CD/DVD లను పెట్టటానికి ఉపయోగిస్తాము. రెండవది Eject బటన్; అంటే ఆప్టికల్ డ్రైవ్ ని తెరవటానికి ఉపయోగపడే బటన్.
దీనిలో CD/DVD లను ఈ విధంగా పై వైపు గా పెడతారు. వెనుకకు తిప్పి మాత్రం పెట్టకండి. 
http://i56.tinypic.com/2iktgkz.jpg
ఈ CD/DVD డ్రైవ్ ని ఇంకా పరిశీలనగా గమనిస్తే చిన్న సూది బెజ్జమంత రంధ్రం కూడా కనిపిస్తుంది.CD/DVD,డ్రైవ్ లోపల ఇరుక్కుపోతే దానిని Eject(ఎజెక్ట్)చెయ్యటానికి (బయటకు తియ్యటానికి)ఈ రంధ్రం లో ఏదైనా సూదిని గుచ్చితే సరిపోతుంది. ఆ ఇరుక్కున్న CD/DVD తనంతట తానే బయటకు వస్తుంది.
http://i52.tinypic.com/xby0lt.jpg
 http://i51.tinypic.com/9ieqgp.jpg


ఇక పోతే మొదటి పటంలో మూడవ భాగం అదనపు CD/DVD డ్రైవ్ ని పెట్టుకోవటానికి ఏర్పాటు చేసిన ఖాళీ ప్రదేశం. నాల్గవ భాగం Floppy (ఫ్లాపీ) డ్రైవ్. ఈ CD/DVD లు రాక పూర్వం పాటలు పద్యాలు లాంటి ఏ సమాచారాన్నైనా భద్రపరచటానికి వాటిని ఉపయోగించే వారు. ఈ ఫ్లాపీ డ్రైవ్ ముందు వెనుక భాగాలు ఈ క్రింద చూపించిన విధంగా ఉంటాయి. 
http://i52.tinypic.com/34r9ggk.jpghttp://i56.tinypic.com/2heh8na.jpg 
 మొదటి పటంలో చివరి భాగం ఈ ఫ్లాపీ డ్రైవ్ Eject బటన్. ఫ్లాపీని ఈ విధంగా ముందు భాగం పైకి ఉండే విధంగా డ్రైవ్ లో ఉంచాలి.

http://i51.tinypic.com/sfzcas.png
CPU ముందు భాగంలో ఇంకా క్రిందకు వచ్చినట్లయితే ఈ విధంగా ఉంటుంది.

http://i54.tinypic.com/20ij1xu.jpg
CPU ని ON చెయ్యటానికి పైనున్న POWER బటన్ ని ఉపయోగిస్తారు. కొన్ని సందర్భాలలో CPU నిస్తేజమైనప్పుడు (HANG); పవర్ OFF చేసి మరలా ON చేస్తే సరిగా పని చేస్తుంది. అలాంటి సందర్భాలలో POWER
బటన్ రెండు సార్లు ఉపయోగించకుండా ఒక్క సారి నొక్కితేనే OFF మరియు ON అయ్యే విధంగా RESET బటన్ ని ఏర్పాటు చేసారు. ప్రస్తుతం వస్తున్న కొన్ని కంప్యూటర్లలో ఈ RESET బటన్ ఉండటం లేదు. అలాంటి సందర్భాలలో POWER బటన్ నే రెండు సార్లు ఉపయోగించాల్సి ఉంటుంది. సరిగా గమనించినట్లైతే POWER బటన్ కన్నా RESET బటన్ చిన్నదిగా ఉంటుంది. 

దాని క్రింద H.D.D. అని వ్రాసి ఉన్నది ఎర్ర రంగు LED లైటు. ఇది CPU లోపల HARD DISK వాడకంలో ఉన్నప్పుడు వెలుగుతుంది. CPU లోపల ఉండే ఈ హార్డ్ డిస్క్ గురించి వివరంగా ముందు ముందు తెలుసుకుందాం.
ఇంకా క్రింద కుడి వైపు ఎడమ వైపు ఒకేలాగా ఉన్న రెండు రంధ్రాలు ఉన్నాయి. వాటిని USB SLOTs అంటారు. అవి USB KEY లేక PEN DRIVE ని పెట్టేందుకు ఉపయోగిస్తారు.  ఈ PEN DRIVE లు కూడా CD, DVD లాగానే పాటలు సినిమాలు ఇతర సమాచారాన్ని నిల్వ చేసుకోవటానికి ఉపయోగిస్తారు. అవి ఈ క్రింద చూపించిన విధంగా ఉంటాయి. 
http://i56.tinypic.com/4qhczs.jpghttp://i54.tinypic.com/2qkii60.jpg 
చివరి రకం PEN DRIVE లను ఉపయోగించేటప్పుడు ఏ దిశలో పెడుతున్నమనేది గమనించాలి. మొత్తం మీద USB SLOT లో ఉన్న లోహపు గీతలు PEN DRIVE మీద ఉన్న లోహపు గీతలతో అనుసంధానంలోకి రావాలి. 

ఇక మధ్యలో ఉన్న ఎరుపు, ఆకు పచ్చ రంగు రంధ్రాలలో హెడ్ ఫోన్ పెట్టటానికి వాడతారు.
http://i53.tinypic.com/2dam8o1.jpg

 ఒక వేళ రంగులు మార్పుగా ఉన్నప్పటికీ CPU మీద ఉన్న చిహ్నాల ఆధారంగా HEADPHONE JACK (పిన్ను) మరియు MICROPHONE JACK లను ఎక్కడ ఉంచాలో గుర్తించవచ్చు. ఇలాంటివే మరొక రెండు కానీ మూడు కానీ CPU వెనుక భాగంలో కూడా ఉంటాయి. వాటి గురించి పూర్తి వివరాలు రేపు తెలుసుకుందాం...
ఇప్పుడు కొత్తగా వస్తున్న కంప్యూటర్లలో సెల్ ఫోన్ మరియు కెమెరాలలో ఉపయోగించే మెమరీ కార్డులను ఉపయోగించేందుకు కూడా స్థానం కల్పించబడింది.
http://i55.tinypic.com/jzk54y.jpg
ఇక్కడ పైన ఉన్న నాలుగు స్థానాలు వివిధ రకాలైన మెమరీ కార్డులను ఉంచేందుకుగాను ఇవ్వబడ్డాయి.
ఇక పోతే చివరిగా CPU ముందు భాగంలో ఉండే అన్ని భాగాల గురించి తెలుసుకున్నాం కానీ ఆయా కంపెనీలను బట్టి విడి భాగాల స్థానాలు మారే అవకాశం ఉంది. ఉదాహరణకు ఇది గమనించండి.
http://i56.tinypic.com/2q9i1cl.jpghttp://i56.tinypic.com/a3dxjs.jpg 

ఇక్కడ CD డ్రైవ్, PEN డ్రైవ్, HARD డ్రైవ్, FLOPPY డ్రైవ్, HEADPHONE జాక్, MICROPHONE జాక్, లాంటి అనేక ఆంగ్ల పదాలను నేరుగా ఉపయోగించటం జరిగింది. ఎందుకంటే వాటి సమానార్ధక తెలుగు పదాల కంటే అవే పదాలు ఎక్కువ వాడుకలో ఉన్నాయి. కాబట్టి తడబాటు చెందకుండా ఆయా పదాలను గుర్తు పెట్టుకుని, ఉపయోగించే ప్రయత్నం చెయ్యండి.

కామెంట్‌లు లేవు:

కామెంట్‌ను పోస్ట్ చేయండి

Related Posts Plugin for WordPress, Blogger...